‘वर्क फ्रम होम’ यसरी सुरक्षित बनाउनुहोस्
views:-444
![](https://itaharifm.com/uploads/news/images/4346454273627634.jpeg)
कोरोना भाइरस महामारीको दोस्रो लहर फैलिएसँगै सरकारले बिहीबारदेखि निशेधाज्ञा जारी गर्ने निर्णय गरेको छ । यससँगै पुनः वर्क फ्रम होमको संस्कृति सुरु हुँदैछ । कार्यालयका डेस्कटपमा गर्नुपर्ने काम घरकै ल्यापटपबाट गर्नुपर्ने हुन्छ । प्रविधिको विकाससँगै हामीले उपभोग गरिरहेका सुविधा कतिपय अवस्थामा जोखिमपूर्णसमेत हुन सक्छ । किनकि, इन्टरनेट यस्तो माध्यम हो, जसबाट हाम्रा निजी तथा संस्थागत महŒवपूर्ण जानकारी सजिलै ‘ह्याक’ हुन सक्छन् । यसबाट बच्न यस्ता सतर्कता अपनाउन सकिन्छ :
उपकरण अपडेट गरिरहने
गत वर्ष सुरु भएको लकडाउनसँगै जुम एपको प्रयोग ह्वात्तै बढको छ । अनलाइन कक्षा सञ्चालनदेखि लिएर अफिसले मिटिङ र बौद्धिक वर्गको भलाकुसारीसम्मको थलो बनेको छ यो । विज्ञहरूका अनुसार, जुमको प्रयोगसँगै सावधानी पनि अपनाउनुपर्ने हुन्छ । आफूले प्रयोग गरिरहेको उपकरणलाई अपडेट र महबुत सफ्टवेयरको प्रयोग गर्न उनीहरूले सल्लाह दिएका छन् । यसले मोबाइल तथा ल्यापटपलाई सम्भावित जोखिमबाट सतर्क राख्छ ।
वाइफाईको पासवर्र्ड परिवर्तन गर्ने
जसरी हामी फेसबुक, इन्स्टाग्राम, ट्विटरजस्ता सामाजिक सञ्जालको पासवर्ड समय–समयमा परिर्वतन गरिरहेका हुन्छौँ, त्यसैगरी आफ्नो घरको वाइफाईको पासवर्ड पनि परिवर्तन गरिरहनुपर्छ । अहिलेको अवस्थामा वाइफाई सबैभन्दा बढी र सहज रूपमा ह्याक हुने गर्छ, जसले गर्दा, हाम्रा काममा बाधा सिर्जना हुन पुग्छ ।
कामपछि ल्यापटप बन्द गर्ने
हामीमध्ये अधिकांशले कामपछि ल्यापटप बन्द नगर्ने वा बिर्सने गर्छौँ । ल्यापटप र डेस्कटपमा हार्डवेयरदेखि कम्प्युटर भाइरससम्म सक्रिय हुन सक्छन् । स्क्रिन तथा डिस्प्लेको समस्या पनि सिर्जना हुन सक्छ । स्मार्टफोनमा पनि यही नियम लागू हुन्छ । मोबाइलको चार्ज नसकिँदासम्म चलाइरहने प्रवृत्ति त्याग्नुपर्छ । मोबाइलमा निजी जानकारी हुने हुँदा झनै चनाखो हुनुपर्ने हुन्छ ।
बायोमेट्रिक पासवर्डको प्रयोग
कार्यालयबाट गरिने काममा त्यहाँको सुरक्षाका लागि राम्रो रणनीति अपनाएको हुन्छ । व्यक्तिगत ल्यापटप र कम्प्युटरबाट काम गर्नुपर्दा कतिपय अवस्थामा संस्थाकै जानकारी पनि जोखिममा पर्न सक्छ । यसका लागि बायोमेट्रिक पासवर्ड सबैभन्दा सुरक्षित उपाय हो । अनुहार, औँठा छाप, आँखादेखि मुटुको धड्कनजस्ता बायोमेट्रिक पासवर्ड सुरक्षाका लागि प्रयोगमा आउन थालेका छन् ।
सतर्क रहने
वर्क फ्रम होम सुरु भएसँगै संस्था आफैँले पनि ‘जिरो ट्रस्ट’को अवधारणा आत्मसात् गर्न सक्नुपर्छ । सानो गल्ती तथा लापरबाहीले ठूलो नोक्सान चुकाउनुपर्ने हुन सक्छ । यसकारण, घरबाटै काम गरिरहेका आफ्ना कर्मचारीलाई ‘साइबर सेक्युरिटी’ व्यवस्थापन गरिदिनु उपयुक्त हुन्छ ।
(एजेन्सीको सहयोगमा)
![](https://itaharifm.com/uploads/news/images/thumb227/1465963153Malnutrition.jpeg)
जलवायु परिवर्तन, बालबालिकामा बढ्दो कुपोषणको कारक
गरीबी र सरसफाई जस्ता परम्परागत कारणहरूले भन्दा बढी जलवायु परिवर्तनको प्रभावले गम्भीर बाल कुपोषण तथा बालबालिकामा आवश्यक रहने पोषण तत्वको कमी हुने एक
![](https://itaharifm.com/uploads/news/images/thumb227/5948618133627634.jpeg)
‘वर्क फ्रम होम’ यसरी सुरक्षित बनाउनुहोस्
कोरोना भाइरस महामारीको दोस्रो लहर फैलिएसँगै सरकारले बिहीबारदेखि निशेधाज्ञा जारी गर्ने निर्णय गरेको छ । यससँगै पुनः वर्क फ्रम होमको संस्कृति सुरु
![](https://itaharifm.com/uploads/news/images/thumb227/5374805111610262428-2XuOH.jpeg)
नेपाल संघीय लोकतान्त्रिक हिन्दू गणतन्त्र राष्ट्र हुनुपर्छ
-विनय यादव नेपालमा अहिले सरकारले नै छद्म धर्मनिरपेक्षताको आडमा हिन्दू संस्कृतिमाथि दमन गर्न खोजिरहेको छ । हाम्रो धर्म–संस्कृति समाप्त पार्ने जुन
प्रतिकृया दिनुहोस